ReklamëHapësirë reklame
ReklamëHapësirë reklame
Reklamë
Një defekt në pompat e sistemit që furnizon me ujë nga Liqeni i Badovcit ka sjellë reduktime dhe çrregullime në rrjet. Lagje të tëra të Prishtinës dhe rrethinës po përballen me mungesë uji, ndërsa ekipet teknike janë në terren.
Rubinetat në disa lagje të Prishtinës kanë mbetur pa ujë ose me presion të dobët, pasi pompat e sistemit të furnizimit nga Liqeni i Badovcit kanë pësuar defekt. Kompania e ujësjellësit KRU „Prishtina” ka njoftuar se si pasojë janë paraqitur reduktime dhe çrregullime në furnizim.
Sipas kompanisë, goditja më e madhe ndihet në Hajvali, Graçanicë, Matin, Bregun e Diellit, Vetërnik, Lagjen e Spitalit, zonën nga Bau Market dhe Lagjen Qëndresa. KRU „Prishtina” ka paralajmëruar se efektet mund të shtrihen edhe në zona të tjera që marrin ujë nga i njëjti sistem.
Ekipet teknike janë në terren dhe po punojnë për sanimin e defektit dhe kthimin e furnizimit në normalitet, ndonëse kompania nuk ka dhënë ende një afat se kur pritet që uji të rikthehet plotësisht.
Pas vitesh pritjeje, mosmarrëveshja për qindra miliona euro të paguara nga buxhetet komunale arriti në fazën e parë dëgjimore. Drejtori ekzekutiv i AKK-së, Sazan Ibrahimi, thotë se niveli qendror as që u paraqit.
