Çitaku thirrje para protestës në Prishtinë: "Çdo zë që ngrihet këtu, dëgjohet edhe në Hagë"

"Shihemi në shesh". Me këtë fjali, sekretarja e Përgjithshme e Partisë Demokratike të Kosovës (PDK), Vlora Çitaku, ka rikthyer thirrjen për pjesëmarrje në protestën e paralajmëruar në Prishtinë, në mbështetje të ish-krerëve të Ushtrisë Çlirimtare të Kosovës (UÇK).

Thirrjen e ka bërë përmes një postimi në rrjetet sociale, ku ka theksuar se zërat e qytetarëve në kryeqytetin e Kosovës dëgjohen edhe në Hagë, ku ndodhen ish-udhëheqësit e UÇK-së.

"Çdo zë që ngrihet këtu, në Prishtinë, dëgjohet edhe në Hagë. U jep kurajo çlirimtarëve tanë dhe u tregon se nuk janë vetëm. Ata atje, ne këtu. Me dinjitet, çdo natë. Deri në Liri! Shihemi në shesh", ka shkruar Çitaku.

Postimi i referohet një protestimi të përsëritur, "çdo natë", ndërsa data, ora dhe vendi i saktë i tubimit nuk janë bërë të ditura.