Borxhi kombëtar i SHBA-së kalon për herë të parë pragun e 40 trilionë dollarëve

Borxhi kombëtar bruto i Shteteve të Bashkuara ka kaluar për herë të parë pragun e 40 trilionë dollarëve, një moment kthese që ngjall shqetësim të ri për gjendjen fiskale të vendit.

Sipas Departamentit amerikan të Thesarit, që e bëri të ditur këtë të mërkurë, pasqyra ditore e balancave të parasë dhe borxhit tregoi se borxhi total publik i papaguar arriti në 40.047 trilionë dollarë të martën.

Kjo shifër vjen si rezultat i dekadave huamarrjeje për të financuar shpenzimet e qeverisë. Kostot në rritje të programeve të mbrojtjes sociale, shpenzimet ushtarake dhe uljet e taksave të vendosura nga presidenti Donald Trump kanë ushtruar presion mbi buxhetet e qeverisë federale.

Publikimi i kësaj shifre pritet të shtojë frikën për një krizë fiskale në zhvillim.