ReklamëHapësirë reklame
ReklamëHapësirë reklame
Reklamë
Një adoleshent që punonte si kamerier humbi jetën kur ashensori i restorantit u shkëput, pasi dyshohet se një koleg e shtyu brenda tij. Policia ka arrestuar kolegun 26-vjeçar dhe pronarin e lokalit.
Një djalë 16 vjeç, i punësuar si kamerier në një restorant në fshatin Arrameras të Fushë-Krujës, ka humbur jetën pasi ashensori në të cilin ndodhej u shkëput. Dy persona janë arrestuar në flagrancë: një koleg i tij 26-vjeçar dhe pronari 62-vjeçar i lokalit.
Sipas Policisë së Shtetit, ngjarja ndodhi më 11.10.2026. Dyshohet se E. S., 26 vjeç, gjithashtu kamerier në të njëjtin restorant, e ka shtyrë me duar të miturin brenda në ashensor. Pas shkëputjes së ashensorit, 16-vjeçari mbeti pa jetë.
Specialistët e Komisariatit të Policisë Krujë e arrestuan E. S. për veprën penale "Vrasja nga pakujdesia". Pranga u vunë edhe pronarit të restorantit, A. V., 62 vjeç, i cili akuzohet për veprat penale "Shkelja e rregullave të mbrojtjes në punë" dhe "Fshehja e të ardhurave".
Materialet procedurale i janë referuar prokurorisë për veprime të mëtejshme. Të dy të arrestuarit trajtohen si të dyshuar deri në një vendim të gjykatës.
Dy burra nga fshati Sinë dyshohet se u përplasën me dhunë me dy policë ndërsa po shoqëroheshin në komisariat. Në të njëjtin bulevard të Peshkopisë, një 36-vjeçar u kap me thikë dhe shufër metalike.
