ReklamëHapësirë reklame
ReklamëHapësirë reklame
Reklamë
Uashingtoni dërgon sinjalin e parë për kreun e ri të shtetit: Ambasada e SHBA-së në Prishtinë mirëpret zgjedhjen e Justina Shiroka Pulës dhe premton bashkëpunim për paqen rajonale, stabilitetin dhe prosperitetin.
Ambasada e Shteteve të Bashkuara në Prishtinë ka mirëpritur zgjedhjen e Justina Shiroka Pulës si presidente e Republikës së Kosovës, duke u shprehur e gatshme të punojë si me kreun e ri të shtetit, ashtu edhe me institucionet e vendit.
Shiroka Pula u zgjodh presidente më 6 tetor. Reagimi amerikan erdhi përmes një zëdhënësi të Ambasadës, në një përgjigje për Klankosova.tv: "Ambasada e SHBA-së pret me padurim të bashkëpunojë me Justina Shiroka Pulën, Presidenten e sapozgjedhur të Republikës së Kosovës".
Ambasada ka ritheksuar edhe përkushtimin ndaj partneritetit me shtetin e Kosovës, duke renditur qartë fushat ku synon ta zhvillojë atë: "Ambasada e SHBA-së mbetet e përkushtuar për të bashkëpunuar me institucionet e Kosovës në avancimin e prioriteteve të përbashkëta, përfshirë paqen rajonale, stabilitetin dhe prosperitetin e ndërsjellë".
Invalidët e UÇK-së, familjarët e dëshmorëve dhe të të zhdukurve, si dhe viktimat e dhunës seksuale gjatë luftës që jetojnë jashtë vendit lirohen nga tarifat për dokumente. Vendimi i MPJD-së është në fuqi që nga 14 tetori 2026.
