ReklamëHapësirë reklame
ReklamëHapësirë reklame
Reklamë
Në 32 nga 74 aksidentet e regjistruara brenda një dite në Kosovë pati të lënduar. Gjatë së njëjtës periudhë, policia shqiptoi gati dy mijë e pesëqind gjoba dhe arrestoi 28 persona.
Brenda vetëm 24 orëve, në rrugët e Kosovës kanë ndodhur 74 aksidente trafiku. Në 32 prej tyre ka pasur të lënduar, ndërsa 42 të tjerat kanë shkaktuar vetëm dëme materiale, sipas raportit ditor të Policisë së Kosovës.
Kontrollet në trafik kanë qenë të shumta. Policia ka shqiptuar 2475 gjoba për drejtues mjetesh që kanë shkelur rregullat e qarkullimit rrugor.
Në të njëjtën periudhë janë arrestuar 28 persona. Sipas policisë, 18 prej tyre janë dërguar në mbajtje, një është vendosur në ndalim policor dhe një tjetër është dërguar për vuajtjen e dënimit.
Nuk janë bërë të ditura detaje mbi gjendjen e të lënduarve, as mbi vendet ku kanë ndodhur aksidentet më të rënda.
Pas vitesh pritjeje, mosmarrëveshja për qindra miliona euro të paguara nga buxhetet komunale arriti në fazën e parë dëgjimore. Drejtori ekzekutiv i AKK-së, Sazan Ibrahimi, thotë se niveli qendror as që u paraqit.
